Qaraǵandyda kámeletke tolmaǵan qyzǵa lıftte tıisken er adamǵa qatysty qylmystyq is toqtatyldy. 

Naýryz aıynda mektep oqýshysynyń anasy belgisiz er adam lıftte qorlamaq bolǵanyn aıtyp polısıaǵa shaǵym túsirgen. Eki aıǵa sozylǵan tergeý nátıjesinde qylmystyq er adamnyń kinásiz bolyp tanylǵan. 

"Naýryz aıynda kámeletke tolmaǵandarǵa qatysty seksýaldyq sıpattaǵy zorlyq-zombylyqqa oqtalý faktisi boıynsha qylmystyq is tirkeldi. Lıfttegi beınebaqylaý kamerasy jazbasyn egjeı-tegjeıli qaraldy. Tergeý nátıjesi boıynsha qylmystyq is qylmystyq quqyq buzýshylyq quramynyń bolmaýyna baılanysty toqtatyldy. Qazybek bı atyndaǵy aýdan prokýratýrasy bul sheshimdi bekitti", - dedi Qaraǵandy oblysy PD bastyǵynyń orynbasary Ernat Qalıaqparov. 

Eske sala keteıik, Qaraǵandyda lıftiniń ishinde 15 jastaǵy qyzǵa azǵyndyq jasap, páterine "kóńil kóterýge" shaqyrǵan er adam ustalǵan bolatyn. 

Beınebaqylaý kamerasyna túsip qalǵan vıdeodan 23 jastaǵy er adamnyń jasóspirimge tıisip, onyń kelisiminsiz súıip, lıftiden shyǵarmaı qoıǵanyn kórýge bolady.