Tótenshe jaǵdaılar mınıstrligine qarasty «Seısmologıalyq tájirıbe-ádistemelik ekspedısıasy» seısmıkalyq stansıalar jelisi 4 shilde kúni saǵat 02.02-de jer silkinisin tirkedi.

Jerasty dúmpýiniń oshaǵy Almaty qalasynan ońtústik-batysqa qaraı 2232 shaqyrym jerde, Kaspıı teńiziniń aýmaǵynda ornalasty.

Energetıkalyq sanaty – 14.2. MPV magnıtýdasy – 5.8. Tereńdigi – 70 km. Epıoshaq koordınattary – 42.29° s.e. 49.89° sh.b.

MSK-64 baǵany boıynsha sezilý: Aqtaý qalasynda 2-3 bal.

Aıta keteıik, 4 shilde kúni saǵat 00.01-de Ázerbaıjannyń seısmologıa qyzmetteri 5,7 magnıtýdasymen jer silkinisin tirkedi. Kaspıı teńizinde qýatty jer silkinisi boldy. Jerasty terbelesin Ázerbaıjannyń jekelegen aýdandary, sonyń ishinde Baký turǵyndary sezindi.