Elimizde jumys isteıtin ekinshi deńgeıli 9 banktiń jumysy toqtatylýy múmkin. Bul týraly Qarjy naryǵyn retteý jáne damytý agenttigi ashyq talqyǵa shyǵarǵan Retteý saıasatynyń konsýltatıvtik qujat-jobasynda jazylǵan. 

"Qazirgi ýaqytta Qazaqstan naryǵynda ekinshi deńgeıli 21 bank jumys isteıdi. Onyń toǵyzyn jabý boıynsha jumys júrip jatyr. Byltyr agenttik ekinshi deńgeıli banktiń basshy laýazymyna taǵaıyndalmaq bolǵan 13 úmitkerdiń kandıdatýrasyn kelisýden bas tartty. Al baǵaly qaǵazdar naryǵynda 49 sýbekt jumys isteıdi. 2022 jyly agenttik osyndaı uıymdardyń basshysy laýazymyna usynylǵan 10 kandıdatty kelisýden bas tartty», - dep kórsetilgen Ashyq NQA portalynda jarıalanǵan Retteý saıasatynyń konsýltatıvtik qujatynda.

Buǵan qosa, atalǵan konsýltatıvtik qujatta elimizde múmkindigi shekteýli azamattardyń qarjy qyzmetterine qoljetimdilik deńgeıi tómen ekeni jazylǵan.