Sırıa kelissózi boıynsha Astana prosesiniń 20-kezdesýi ótti. Kelissóz qorytyndysyna oraı kepilger elderdiń birlesken málimdemesin QR Syrtqy ister mınıstriniń orynbasary Qanat Týmysh jarıa etti.

«Sırıanyń birtindep oqshaýlaný aımaǵynan shyǵýy Astana prosesiniń óz mindetin abyroımen atqarǵanynyń belgisi dep tanýǵa bolady. Sırıanyń arab elderi qataryna oralyp kele jatqanyn eskere otyryp, Astana prosesi aıasynda Sırıa boıynsha 20-shy otyrysty resmı sońǵy dep jarıalaýdy usynamyz», - dep málimdeme jasady Syrtqy ister mınıstriniń orynbasary Qanat Týmysh.

Aıta keteıik, elordada 20-21 maýsym aralyǵynda Sırıa boıynsha 20-shy halyqaralyq kezdesý ótti. Oǵan kepilger elderdiń - Reseı, Túrkıa jáne Irannyń delegattary men Sırıa úkimeti jáne opozısıasynyń ókilderi, sondaı-aq baqylaýshylar qatysady.

Kún tártibine Sırıa tóńiregindegi óńirlik ahýaldy ózgertý, terorızmge qarsy kúres, senim sharalary, onyń ishinde kepilge alynǵandardy bosatý jáne habar-osharsyz ketkenderdi izdeý máseleleri talqylandy.

Eske sala keteıik, Astana alańy Sırıadaǵy qarsylas taraptar arasyndaǵy qaqytyǵystardy toqtatý boıynsha kelissózder júrgizý úshin usynylǵan. Sırıalyq retteý boıynsha halyqaralyq kezdesýler elordada 2017 jyldan beri ótkizilip keledi.