2023 jyly 5 shildede mamandandyrylǵan aýdanaralyq sot Óskemende oqýshy qyzdy jabyla soqqyǵa jyqqan kámeletke tolmaǵan sottalýshylarǵa qatysty úkim shyǵardy. 

Sottalýshy A. men T. aqsha bopsalaǵandaryn moıyndamady, kináni ishinara moıyndady. Aıyptalýshy O. kinásin tolyq moıyndady. Sottalýshylardyń kinási jábirlenýshiniń, kýágerlerdiń aıǵaqtarymen, beınejazbalarmen, zattaı dáleldemelermen rastalǵan. 

Sonymen qatar, sot O-nyń shyn júrekten ókinish bildrýi jáne kinásin moıyndaýyn jeńildetetin jaǵdaılar dep tanydy.

Sottalýshylardyń asa qatygezdikpen, sadızmmen, qorqytý-úrkitýmen, sondaı-aq jábirlenýshini azaptaý sıpatyndaǵy qylmystyq quqyq buzýshylyqtary qylmystyq jaýaptylyǵy men jazasyn aýyrlatatyn mán-jaı retinde tanyldy.

"İstiń mán-jaıyn jáne sottalýshylardyń jeke basyn, jábirlenýshilerdiń pikirlerin, quqyqqa qaıshy áreketterdiń sıpatyn, zalaldy óteýdiń oryndalmaýyn eskere otyryp, A. men T-ǵa qatysty QR QK  293-baby 2-bóligi 1-tarmaǵynyń boıynsha 1 jyl bas bostandyǵyn shekteý, QR QK 194-baby, 2-bóligi 1,2-tarmaǵy boıynsha 3 jyl merzimge bas bostandyǵynan aıyrý túrinde jaza taǵaıyndady, sonda túpkilikti jaza - 3 jyl bas bostandyǵynan aıyrý. O-ǵa 1 jyl merzimge bas bostandyǵyn shekteý túrinde jaza taǵaıyndaldy", dep habarlaıdy SHQO kámeletke tolmaǵandar isi jónindegi mamandandyrylǵan aýdanaralyq sotynyń baspasóz qyzmeti. 

Jábirlenýshiniń paıdasyna 9 000 000 teńge somasynda moraldyq zalady ótemaqy óndirildi. Sot úkimi zańdy kúshine engen joq.