Izraıl halqy qala polısıasynyń basshysy Amı Eshed qyzmetten ketkennen soń jappaı narazylyqqa shyqty. Keshe túnde 20 myńǵa jýyq adam mıtıńke shyqqan. Amı Eshed sot reformasyna qarsy narazylyq aksıalaryn taratý kezinde kúsh qoldanýdan bas tartqany úshin tómengi laýazymǵa aýystyrǵan. 

Eń úlken narazylyq aksıasy Tel-Avıvtegi Aıalon tas jolynda ótti. Narazy halyq joldy jaýyp tastaǵan. Al tún ortasynan keıin tártip saqshylary narazylyq bildirýshilerdi taratý úshin kózden jas aǵyzatyn gaz qoldandy.

Keıin polısıa tártip saqshylary narazylyq bildirýshilerdiń kópshiligin taratqanyn aıtty. Resmı derek boıynsha 15 adam qamaýǵa alyndy.

Aıta ketý kerek, Irazılde halyq narazylyǵy byltyrdan beri basylmaı keledi.Turǵyndar iri qalalarda kúre joldardy jaýyp, dóńgelekterdi órtep, kólik qozǵalysyna kedergi keltirgen.