"Vagner" jeke áskerı tobynyń basshysy Evgenıı Prıgojın tórt kúnnen beri habarsyz ketken. Reseı prezıdenti Vladımır Pýtınniń baspasóz hatshysy Dmıtrıı Peskov onyń qaıda ekenin bilmeıtinin aıtty. Bul týraly reseılik BAQ jazdy.

"Bizde onyń qaıda júrgeni týraly eshqandaı málimet joq. Biz Prıgojınniń júris-túrysyn baqylap otyrǵan joqpyz" –  dedi Peskov.

Al Belarýs prezıdenti Aleksandr Lýkashenko Prıgojın belorýs elinde degen málimetti joqqa shyǵaryp,  onyń Sankt-Peterbýrgke ketkenin aıtty.

"Evgenıı Prıgojın qazir Pıterde. Al búgin tańerteń onyń qaıda bolǵanyn ókinishke qaraı, men bilmeıdi ekenmin. Múmkin tańerteń Máskeýge ketken shyǵar" dedi Lýkashenko.

Sonymen qatar, ol "Vagner" sarbazdary RF terıtorıasyndaǵy óz lagerlerinde qalǵanyn aıtty.

Liberation basylymyna silteme jasaǵan NEXTA Live Telegram-arnasynyń habarlaýynsha, Prıgojın shildeniń bas kezinde Pýtınmen ońashada kezdesken kórinedi. Kezdesýge Rosgvardıanyń basshysy  Vıktor Zolotov pen Syrtqy barlaý qyzmetiniń jetekshisi Sergeı Naryshkın qatysty degen derek bar.

Derekkóz: Halyq Uni