Abaı oblysy Besqaraǵaı aýdanynda órt shyqty, dep habarlaıdy tótenshe jaǵdaılar mınıstrligi. Atalǵan aımaqta qurǵaq shóp janyp jatyr.
"10 shildede saǵat 12:35-te "101" púltine Besqaraǵaı aýdanynda Birlik pen Belokamenka aýyldarynyń arasynda qurǵaq shóptiń órtenip jatqany týraly habarlama tústi. Órt sóndirý bólimsheleri kelgennen keıin ashyq aýmaqta qamys, buta jáne qurǵaq shóp órtenip jatqany anyqtaldy", - delingen vedomstvo habarlamasynda.
Tilsiz jaý 4,5 gektar aýmaqqa jaıylǵan. Órt 15:18 saǵatta oqshaýlandy.
"Ormanqory men eldi mekenderge tónip turǵan qaýip joq. Qazirgi ýaqytta órtti sóndirýge Abaı oblysy tótenshe jaǵdaılar departamentiniń, "Semeı Ormanynyń" kúshteri men quraldary, atap aıtqanda 30 adam jáne 7 tehnıka jumyldyryldy", - dep habarlady mınıstrlik.
Pikir qaldyrý