Ulttyq qaýipsizdik komıtetiniń málimetinshe, 24 maýsymda arnaýly maqsattaǵy bólimsheniń jumyldyrýymen Almaty qalasynda qoǵamǵa qaýipti uıymdasqan qylmystyq top ustalǵan.
Arnaıy operasıa barysynda toptyń 5 múshesi ustalyp, olardan Kalashnıkov avtomaty, Makarov tapanshasy, jaýyngerlik granata, myltyq pen sıntetıkalyq sıpattaǵy esirtki tárkilendi.
Top músheleri densaýlyqqa aýyr zıan keltirý, asa iri kólemdegi esirtkini satý maqsatynda saqtaý, qarý men oq-dárini zańsyz tasymaldaý jáne saqtaý boıynsha kúdikke ilingen. Úsh kúdikti tergeý sotynyń ruqsatymen top músheleri qamaýǵa alynyp, qalǵandaryna qatysty qajetti tergeý is-qımyldary júrgizilip jatyr.
Pikir qaldyrý