Ulttyq qaýipsizdik komıtetiniń málimetinshe, 4 shildede vedomstvo qyzmetkerleri İshki ister mınıstrligimen birlese otyryp, Almaty, Oral jáne Aqsaı qalalarynda eki qylmystyq topty ustaǵan.

Bopsalaý, buzaqylyq jáne tonaý boıynsha kúdikke ilingen qylmystyq toptyń 20 múshesi ustaldy. Tintý sharalarynyń nátıjesinde atys jáne sýyq qarýlar, esirtki tárkilendi.

Aldyn ala málimet boıynsha, kúdiktiler bas paıdalary úshin beıbit azamattardy qorqytqandary belgili boldy. Japa shekkender fızıkalyq zorlyq-zombylyqtan qaýiptenip, ishki ister organdaryna júginbegen.

Qylmystyq toptyń quramynda buryn sottalǵandar men destrýktıvti dinı aǵym ókilderi bolǵan. Olardyń bir-birimen teketireste bolǵandary jáne belgili bir aımaqtarda óz ámirlerin júrgizý úshin qarý qoldana otyryp, qaqtyǵystarǵa barǵandary belgili boldy.

Sotqa deıingi tergeý jalǵasyp jatyr.