Keshe Almatynyń Naýryzbaı aýdandyq sotynda qańtar oqıǵasy kezinde Almaty áýejaıyn basyp alý isi boıynsha sot úkimi shyqty. Sot jýrnalıs Áıgerim Tileýjandy 4 jylǵa bas bostandyǵynan aıyrdy. Al Qalas Nurpeıisov, Nurlan Dálibaev, Ermuhamet Shilibaev pen Janaıdar Kármenov 8 jylǵa bas bostandyǵynan aıyryldy.
Atalǵan azamattarǵa Qańtar oqıǵasy kezinde Almaty áýejaıyn basyp aldy degen aıyp taǵylǵan. Belsendiler bolsa ózderine taǵylǵan aıypty joqqa shyǵaryp otyr. Sot úkimi shyqqan keıin áleýmettik jelide jazyqsyz azamattardy bostandyqqa shyǵarsyn dep talap etýshilerdiń sany kóbeıdi. Atalǵan pikirlerdi Qamshy.kz aqparat agenttigi oqyrman nazaryna usynady.
Ularbek Dáleıuly:
ÁIGERİM JAÝ BOLSA, MENİ DE ODAN ALYS SANAMA!
«Jańa Qazaqstannyń» qurbandary...
Anyǵynda, osy azamattardyń jankeshtiliginiń arqasynda Toqaev bıligi nyǵaıǵan edi.
«Qańtarshylarǵa» arnaıy rahmet aıtyp, naǵyz búlikshilerdi jazalaıtyn shyǵar dep kútip júrsem...
Kerisinshe, bári.
Halıma Tájiqul:
Beseýdiń soty. Beseýin de aıamady aıarlyq. Beseýinen ne qaýip, ne zalal kórdi myna el? Úkim eseńgiretti, jalǵyz úmit - appelásıada.
Áıgerim Tileýjanova alty kún buryn sottaǵy sońǵy sózin aıtyp edi, sol kezdegi myna sózin úlken árippen jazsam deımin:
"KEIDE ABAQTYDA OTYRǴAN BİZDİŃ JİGİTTER EMES, SİZDER ME DEP QALAMYN. İSHKİ BOSTANDYǴY JOQ ADAM SHYNJYRǴA BAILANǴAN IT SIAQTY EMES PE?"
Bul sózdi sotqa, prokýrorǵa qarata aıtty (negizi bárimizge arnalýǵa tıis sóz), bul sóz olarǵa sumdyq áser etti, etten ótip, súıekke jetti. Sóıtti de tórt jylǵa jaza kesti. Qaıtsin-aı, jazalaý múmkindigin jiberip alǵysy kelmedi de, qorqaýlyq deıdi mundaıdy.
Rejım abaqtysynda júrgen árkimniń oılanatyn kúni búgin, biraq oılanyp, alańdap jatqan adam az. Men osydan qorqam.
Dına Elgezek:
Jylap jatyr. Talyp jatyr. Aıǵaılap jatyr.
Búgingi sottan kórinis.
Áýejaıdy myna beseý basyp aldy degenge kim senedi?
Halyqty kepildikke aldy ma? Qoldarynda qarý boldy ma? Bireýdi atyp óltirdi me? Joq, munyń birin de jasaǵan joq!
Biri - muǵalim, ekinshisi - jýrnalıs, úshinshisi - kásipker, tórtinshisi - qara jumysshy, besinshisi - jumyssyzdy arnaıy daıyndyqtan ótken kánigi terrorıst retinde sottaý - absýrd!
Jazyqsyz jandardyń kóz-jasy jibermesin!
Qanat Ábilqaıyr:
BES adam áýejaıdy basyp alyp, ODKB-ǵa múshe Qazaqstannan ózge BES memlekettiń áskeri Almatyǵa qona almaı qınalǵan kórinedi.
"Jańa Qazaqstandyqtar" óz qısyndaryna ózderi sene me eken?" dep oılaımyn, ylǵı...
Jazyqsyz sottalǵandarǵa bostandyq berilsin!
Aıatjan Ahmetjanuly:
Qazirgi bılik qańtarda ádilet suraǵandarǵa rahmet aıtsa, sonda ǵana ádiletti Qazaqstan bolar edi...
Al, bular kerisinshe...
Sottaý, qýdalaý...
Sózim joq!
Qańtar isimen bir muǵalim 8 jylǵa sottaldy...
Áriptester ne deısizder?
Muǵalimnen qylmysker shyqpaıdy!
Muhtar Seńgirbaı:
1. “Ortalyq Azıanyń bir elinen kelgen terrorısterdi basqarǵan jýrnalıs, muǵalim men jumyssyz kisi me? 2. Qarýly kúzet qarý ustaýdy da bilmeıtin olarǵa áýejaıdy tastaı sap ketip qalǵan ba? 3. “Terrorıster” basyp alǵan áýejaıyn nege ári qaraı ustap turmaı ketip qalǵan? Basyp alǵandaǵy maqsaty ne ózi?
Názıa Joıamergenqyzy:
HALYQTAN ARASHA KEREK!
Eshkimdi óltirgen joq, Qańtar qyrǵynynda qylmys jasaǵan joq, biraq sot mynadaı úkim shyǵardy. Qańtar oqıǵasynda jazyqsyz jandardy atqandar, atýǵa buıryq bergender, el ishine iritki salǵandar, Qazaqstannyń memlekettik tutastyǵy men saıası turaqtylyǵyna qaýip tóndirgender túgel ustaldy ma? Halyqty bılikke qarsy qoıyp, Toqaevtyń ózin arandatqysy kep júrgenderdiń tirligi emes pe eken bul? Qaraly qańtarda Ulttyq qaýipsizdik komıtetiniń ózinen áskerı tóńkeris jasaǵysy kelgen qylmyskerler men satqyndar shyqty. Ondaılar áli bar bolsa qaıtemiz astyrtyn áreket etip otyrǵan? Halyqtan arasha kerek! Áıtpese, kóringendi sotqa súıreı beretin ádet kúsheıe túsedi! Barlyǵy zań sheńberinde bolýy tıis!!!
Aıan Qalmurat:
Áıgerim Tileýjan men tórt kisige shyqqan úkim eseńgiretip tastady. Shartty jaza berer dep kútip edim. Naqty dáleli joq, aqylǵa qonbaıtyn aıyp taǵylǵan ispen 4-8 jylǵa sottaý degen ne degen qatygezdik… Sýdıa úkim oqyǵan soń sharasyz týystary aıqaılap jylap, talyqsyp, esin jıa almaı jatty. Áıgerimniń mamasy sóıleı almaı qaldy… Áýejaıdy basyp aldy degen bes kisiniń qaısysy, bılik aıtqandaı, shetelde arnaıy daıyndyqtan ótken bandıtke uqsaıdy, aıtyńyzdarshy?.. Sottalǵandardyń biri — jýrnalıs, biri — muǵalim, biri — kásipker, biri — qara jumysshy, taǵy biri — jumyssyz júrgen aǵa. Sóz joq.
Pikir qaldyrý