Aqtóbe oblysynda balalary qaraýsyz kóshede júrgeni úshin 3 myńǵa jýyq ata-ana jaýapqa tartyldy. 

Jyl basynan beri túrli qylmystar men quqyq buzýshylyqtar úshin ishki ister organdaryna 3 myńnan asa kámeletke tolmaǵan jetkinshek jetkizilgen. Zańdy ókilinsiz kámeletke tolmaǵandardyń úı-jaıdan tys bolǵany úshin 2 myń 734 ata-ana jazaǵa tartylyp, túngi ýaqytta kóńil kóterý oryndarynda bolǵany úshin 116 jasóspirim jáne olarǵa ruqsat bergen 65 kásipker jaýapkershilikke tartyldy.

Sonymen qatar, balalaryna tárbıe jumysyn júrgizbegeni  úshin 125 ata-anaǵa ákimshilik jaza qarastyrylsa, 81 bala kámeletke tolmaǵandardy beıimdeý ortalyǵyna ornalastyryldy.

Aqtóbe oblysynyń polısıa departamenti ata-analardy balalardyń qaýipsizdigin saqtaýǵa, olardyń minez-qulqyna erekshe mán berýge, bos ýaqytyn qalaı ótkizetinin qadaǵalaýǵa shaqyrady.