Úndistannyń soltústik aımaǵynda bolǵan sý tasqynynan 100-den asa adam qaza tapty. Bul týraly Úndistandaǵy jergilikti basylym habarlady. 

Úndistannyń soltústik-shyǵysynda jaýyn-shashyn 8 shildede bastalǵan.  Oǵan mýsondyq jańbyr men Jerorta teńizi aımaǵynan ylǵaldy aýa massalarynyń aǵyny áser etken.

"Eń kóp zardap shekken – Gımalaı taýlarynyń eteginde ornalasqan Gımachal-Pradesh shtaty. Munda laı kóshkini kóptep baıqalǵan, kóptegen eldimeken sý astynda qaldy. Soltústik shtattardyń taýly aımaqtarynda joldar jabylyp, sý basý saldarynan kólik qozǵalysy toqtatyldy, sonyń saldarynan 300-ge jýyq týrıs áli taýly jerlerde bógelip tur. Tótenshe jaǵdaı saldarynan shtatta barlyǵy 80-ge jýyq adam qaza tapty. Jańbyr toqtaǵanymen, qutqarý jáne qalpyna keltirý jumystary júrgizilip jatyr", - delingen habarlamada