Aqtóbede burynǵy oblys ákimi Ermek Imantaevtyń ústinen sot bastaldy.
"Oǵan Aqtóbe SPK basqarǵan kezde senip tapsyrylǵan múlikti ıemdendi degen aıyp taǵylǵan. Qylmystyq sotta Ermek Imantaevtyń isi boıynsha aldyn-ala tyńdalym 10 shildede boldy", - dep jazdy "Dıapazon" basylymy.
Imantaev Aqtóbe SPK-ǵa tıesili jer telimin zańsyz satyp, memleketke 100 mln teńge shyǵyn keltirgen.
Eske sala keteıik, Ermek Imantaev 2002-2004 jyldar aralyǵynda oblys ákimi bolyp, 2004 jyly otstavkaǵa ketken. 2019 jyldyń 20 qarashasynan bastap Aqtóbe SPK basqarma tóraǵasy qyzmetine taǵaıyndalyp, 2021 jyldyń naýryzynda bul qyzmetten ketken edi. Osy jyldyń aqpanynda Ermek Imantaev laýazymdyq ókilettigin asyra paıdalaný baby boıynsha qamaýǵa alynǵan bolatyn.
Pikir qaldyrý