Búgin elimiz boıynsha joǵary oqý oryndaryna túsý úshin bilim granttary konkýrsyna ótinish qabyldaý bastaldy. Naýqan 20 shildege deıin jalǵasady, dep habarlaıdy ǵylym jáne joǵary bilim mınıstrligi.
Talapkerler ótinishin onlaın da, oflaın da tapsyra alady.
Bıyl qujattardy qabyldaý eGov arqyly onlaın nemese JOO-lardyń qabyldaý komısıalary arqyly oflaın formatta júrgiziledi.
Sondaı-aq, JOO-da vırtýaldy qabyldaý komısıasy jumys isteıdi. Qujattardy qabyldaý kez kelgen JOO (ornalasqan jeri boıynsha) arqyly júzege asyrylady. Bilim granty ıegerleriniń tizimi 10 tamyzǵa deıin jarıalanady.
Aıta keteri, osy jyly bakalavrıatqa túsý úshin 73 myń grant bólinip otyr.
