Shymkentte turmystyq zorlyq-zombylyq boıynsha on kúnde 200-ge jýyq adam jaýapqa tartyldy. 

Polısıa qyzmetkerleriniń málimetinshe, shildeniń alǵashy 10 kúninde Shymkent polısıasynp turmystyq zorlyq-zombylyqqa qatysty 191 shaqyrtý túsken. Onyń ishinde 10 shaqyrtý boıynsha jábirlenýshiniń aryzynsyz, ýchaskelik ınspektordyń anyqtaýymen ákimshilik is qozǵaldy.

QR ÁQBtK-niń 73-babymen 92 adamǵa, densaýlyqqa qasaqana jeńil zıan keltirgeni úshin jáne uryp-soǵý boıynsha 5 azamatqa ákimshilik is qozǵaldy. Quqyqbuzýshylyqtar boıynsha der kezinde jábirlenýshiniń qaýipsizdigin qamtamasyz etý maqsatynda 31 agresorǵa qatysty 24 saǵatqa ákimshilik ustaý sharasy qoldanyldy.

Turmystyq zorlyq-zombylyq boıynsha ákimshilik ister sotqa joldanyp, 14 er adam ákimshilik qamaýǵa alynǵan.

Jábirlenýshiniń qaýipsizdigin qamtamasyz etý maqsatynda 112 adamǵa qatysty qorǵaý nusqamasy shyǵarylyp, 1 aı merzimge profılaktıkalyq esepke alyndy. Al 9 azamattyń minez-qulqyna sot arqyly erekshe talaptar belgilendi.

Eske salp keteıik, 1 shildeden bastap prezıdent tapsyrmasymen turmystyq zorlyq-zombylyq týraly zańǵa engizilgen ózgerister óz kúshine endi.