İshki ister mınıstrligi Astanadaǵy oıyn-saýyq ortalyǵynda bolǵan buzaqylyq deregi boıynsha tergeýdi jalǵastyryp jatyr, dep habarlaıdy Polisia.kz.
Mınıstrliktiń málimetinshe, oqıǵa 18 maýsymda Astanadaǵy "Mega Silk Way" saýda-oıyn-saýyq ortalyǵyndaǵy kafelerdiń birinde qoǵamdyq tártip buzylyp, kelýshilerdiń biri ekinshisin uryp-soqqan.
"Qazirgi ýaqytta osy fakt boıynsha Qylmystyq kodekstiń 293-babymen (Buzaqylyq) sotqa deıingi tergeý bastaldy, ol 5 jylǵa deıin bas bostandyǵynan aıyrýdy kózdeıdi", - delingen vedomstvo habarlamasynda.
İshki ister organdary barlyq qajetti jedel-tergeý is-sharalary júrgizilip jatqanyn, olardyń nátıjeleri boıynsha quqyqtyq baǵa beriletinin málimdedi.
Eske sala keteıik, Astanadaǵy iri saýda oıyn-saýyq ortalyǵyndaǵy kafelerdiń birinde janjal bolyp, qolynda balasy bar er adamǵa kásibı boksshy Beıbit Shúmenov judyryq ala júgirgen edi.
Pikir qaldyrý