Almaty oblysynda júrgizýshilerdiń jantúrshigerlik janjalyna qatysty is boıynsha qylmystyq is toqtatyldy.

Polıseılerdiń málimetinshe, Jambyl aýdandyq polısıa bólimine jábirlenýshiniń kúdiktimen tatýlasqan jáne qylmystyq isti toqtatýdy suraǵan aryzy kelip túsken. Osyǵan baılanysty qylmystyq is Qylmystyq kodekstiń 68-babynyń 1-35 bóligi 12 tarmaǵy negizinde toqtatyldy.

Eske sala keteıik, oqıǵa 28 maýsymda Almaty oblysynda Almaty-Bishkek tas jolynda bolǵan. Kólikterdiń biriniń ashýly júrgizýshisi sol jaq jolaqtaǵy basqa kólikti toqtatyp, ózi kólik terezesinen shyǵyp, toqtatqan kóliktiń kapotyna shyǵyp, onyń aldyńǵy áınegin aıaǵymen syndyrǵan. Odan keıin tómen túsip, júrgizýshiniń búıirindegi terezeni judyryǵymen syndyryp, júrgizýshini shyǵaryp almaq bolǵan. Ol kezde kólikte júrgizýshiden bólek áıeli men balasy bolǵan.

Osydan keıin polıseıler bul derek QK-niń 293-babynyń 1-bóliginde kózdelgen qylmystyq quqyqbuzýshylyq deregi boıynsha aýdandyq İİB-niń TJD-da tirkelgenin habarlady. Kúdikti 1993 jyly týǵan K. esimdi er adam ustalyp, onyń kóligi Uzynaǵash aýylyndaǵy mamandandyrylǵan aıyppul turaǵyna jetkizildi.