Táýelsiz baqylaýshylar uıymynyń tóraǵasy Besjan Tóleýbekulyna taǵylǵan aıyp belgili boldy. Almaty qalasynyń Polısıa departamenti Naýryzbaı aýdandyq PB maıory Júnisbekov belsendi Besjan Tóleýbekulyn QR Ákimshilik quqyq buzýshylyq týraly kodekstiń 488 baby 7 bólimi boıynsha "Beıbit jınalystardy uıymdastyrý jáne ótkizý tártibi týraly zańnamasyn buzdy, zańsyz mıtıń uıymdastyrdy" dep aıyptap, hattama toltyrǵan.

Belsendini 11 shilde kúni Áýejaıdy basyp alý isi qaralǵan Naýryzbaı aýdandyq soty ǵımaraty aldynda "sanksıalanbaǵan narazylyq aksıasyna qatysyp, "HALYQ TERRORIST EMES!" degen plakat ustaǵan top aldynda mıkrofonmen sóılep, Almaty turǵyndaryn beıne úndeý arqyly zańsyz mıtıńke shaqyrdy. Prokýratýra men ákimdik ókilderiniń eskertýine qulaq aspaı óz áreketin jalǵastyrdy. Jıynǵa qatysyp, belsendi boldy" – degen aıyp taǵylǵan. Bul týraly áleýmettik jelide Kúltegin Aspanuly jazdy. 

Qazir Besjan Tóleýbekuly Naýryzbaı aýdandyq polısıa bólimshesinde otyr. Belsendiniń janynda advokaty Jalǵas Saparhanova bar. Olar sottyń oflaın ótýin talap etip jatyr.

Eske sala keteıik, belsendini keshe Jambyl oblystyq sotyndaǵy Qańtarshylardyń apelásıa prosesinen Almatyǵa orala salysymen úıine kireberiste polıseıler ustap áketken.