Búgin İİM Dıkıı Arman qurǵan qylmystyq toptyń 80-nen astam múshesi ustalǵanyn málimdegen bolatyn. Olardyń qatarynda belgili aıtysker aqyn Aınur Tursynbaevanyń kúıeýi Nurjan Imanálıev te bar. Bul týraly Ulysmedia.kz habarlady. 

Vedomstvo Dıkıı Armannyń qylmystyq tobynyń ózge múshelerimen birge onyń Noıs laqap atymen tanylǵan oń qoly da ustalǵanyn aıtqan bolatyn. BAQ Nurjan Imanálıevtiń belgili aqyn, bloger Aınur Tursynbaevanyń kúıeýi ekenin jarysa jazyp jatyr. Ol halyqaralyq izdeýde bolǵan degen málimet te tarady.

Eske sala keteıik, "Dıkıı Arman" laqap atymen tanymal Arman Jumageldıev byltyr 7 qańtarda ustalǵan bolatyn. Ol "qańtar kezindegi tártipsizdikterge qatysy bar" dep aıyptalǵan.

Keıin QR Bas prokýratýrasy "Dıkıı Armannyń" Ulttyq qaýipsizdik qyzmetiniń tergeý ızolátorynda otyrǵanyn málimdedi. Sodan beri ony qamaýda ustaý merzimi toqtaýsyz uzartylyp keledi.