Táýelsiz baqylaýshylar uıymynyń basshysy, qoǵam belsendisi Besjan Tóleýbekuly 15 táýlikke qamaýǵa alyndy. 

Sýdıa Rýslan Jamalbek belsendini Ákimshilik kodekstiń 488 baby, 7 tarmaǵy "beıbit jıyn ótkizý tártibin buzý"  baby boıynsha  kináli dep tapqan.

Eske sala keteıik, Besjan Tóleýbekulyn Jambyl oblystyq sotyndaǵy Qańtarshylardyń apelásıa prosesinen Almatyǵa orala salysymen úıine kireberiste polıseıler ustap áketken. Oǵan 11 shilde kúni Áýejaıdy basyp alý isi qaralǵan Naýryzbaı aýdandyq soty ǵımaraty aldynda "sanksıalanbaǵan narazylyq aksıasyna qatysyp, "HALYQ TERRORIST EMES!" degen plakat ustaǵan top aldynda mıkrofonmen sóılep, Almaty turǵyndaryn beıne úndeý arqyly zańsyz mıtıńke shaqyrdy. Prokýratýra men ákimdik ókilderiniń eskertýine qulaq aspaı óz áreketin jalǵastyrdy. Jıynǵa qatysyp, belsendi boldy"  degen aıyp taǵylǵan.