Astanadaǵy saýda ortalyǵyndaǵy Beıbit Shúmenov pen qyrǵyzstandyq azamat arasyndaǵy janjalǵa qatysty Qyrǵyzstan Syrtqy ister mınıstrligi pikir bildirdi.
Habarlamaǵa sáıkes Qyrǵyzstannyń Syrtqy ister mınıstrligi bul isti óz baqylaýyna alǵan.
"13 shildede jábirlenýshi K.A Qazaqstandaǵy Qyrǵyz Respýblıkasynyń elshiligine shaqyryldy. Ol elshi D.Dúshekeevpen kezdesip, qyrǵyzstandyqqa qajet keńes berilip, quqyqtyq kómek kórsetildi. Búgingi tańda osy oqıǵa boıynsha Qazaqstan Respýblıkasynyń Quqyq qorǵaý organdary barlyq qajet prosestik sharany júrgizip jatyr. İs mınıstrliktiń baqylaýynda", - delingen SİM habarlamasynda.
