Memlekettik búdjet esebinen ustalatyn uıymdardyń medısınalyq qyzmetkerleriniń jalaqysy artady. 2023 jylǵy 1 qyrkúıekten bastap olardyń laýazymdyq eńbekaqysyna túzetý koefısıentteri kóteriledi.
Tıisti qaýly jobasy "Ashyq NQA" saıtynda jarıalandy jáne 28 shildege deıin qoǵam talqysyna shyǵarylǵan.
Joba úkimettiń "Azamattyq qyzmetshilerge, memlekettik búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly" qaýlysyna ózgeris engizýdi kózdeıdi.
1 qyrkúıekten búdjettik uıymdardyń dárigerleriniń eńbekaqysyna túzetý koefısıenti 2,73-ten 3,42-ge deıin, orta deńgeıdegi medqyzmetkerlerde 2,05-ten 2,34-ke deıin ósedi.
2023-2025 jyldarda memlekettik búdjetten 22 myń qyzmetker úshin 36,11 mlrd teńge qajet:
Pikir qaldyrý