Túrkistan oblysynda úsh kólik soqtyǵysyp, jol apatynan 9 adam qaıtys boldy, dep habarlaıdy oblystyq polısıa departamentiniń baspasóz qyzmeti. Qaıǵyly oqıǵa 17 shildede saǵat 09:00 shamasynda Shaıan aýyly mańynda bolǵan.
"Oblystyq mańyzy bar "Ekpindi-Sozaq" tas joly boıynda "Nissan", "Toyota Camry" jáne "Volkswagen Grafter" markaly úsh avtokólik soqtyǵysqan. Kólikter órtengen. Saldarynan 9 adam qaıtys bolyp, 13 adam aýrýhanaǵa jetkizildi. 2 adam medısına kómeginen bas tartty", - deıdi vedomstvo.
Aldyn ala málimetter boıynsha "Nissan" avtokóligi qarsy baǵytqa shyǵyp ketken. Oqıǵa ornyna Túrkistan oblysy polısıa departamentiniń basshylyǵynyń ózi barǵan.
Qazirgi tada jol-kólik oqıǵasy boıynsha Báıdibek aýdandyq polısıa bólimi tergeý júrgizip jatyr.
"Bul fakt boıynsha QR Qylmystyq kodekstiń 345-baby "Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy" boıynsha tergeý júrip jatyr", - deıdi polısıa.
Pikir qaldyrý