Atyraý oblystyq prokýratýrasy adam azaptady degen kúdikke ilingen Atyraý qalalyq polısıa basqarmasynyń 5 jedel ýákiline qatysty qylmystyq isti sotqa joldady.
Vedomstvo málimetinshe, olar bıylǵy jyldyń aqpanynda aldyn-ala sóz baılasyp, R-esimdi azamatqa qylmysty moıyndatpaq bolǵan. Qıturqy maqsatyn júzege asyrý úshin ruqsat etilmegen ádister qoldanyp, azamattyń tánine jáne psıhıkalyq zardap keltirdi degen kúdikke ilindi.
"Elimizdiń Ata zańy kepildik bergendeı, eshkimdi azaptaýǵa, oǵan zorlyq-zombylyq jasaýǵa, basqadaı qatygezdik nemese adamdyq qadir-qasıetin qorlaıtyndaı jábir kórsetýge ne jazalaýǵa bolmaıdy jáne zańdy negizderdi qospaǵan jaǵdaılardy qylmystyq qýdalaý orbıtasyna tartýǵa jol berilmeıdi", – dedi prokýratýra.
Pikir qaldyrý