Shymkenttiń mamandandyrylǵan aýdanaralyq sotynda 41 jastaǵy er adamǵa qatysty úkim shyqty. Tergeý málimetinshe, ol dosyn eki ret atyp óltirgen.

Kisi óltirý oqıǵasy Shymkentte 19 jyl buryn bolǵan, qylmysker tabylmaǵan. İs bıyl qaıta qozǵaldy. Qylmys jasady degen kúdikpen 41 jastaǵy er adam ustaldy.

Tergeý málimetteri boıynsha, sottalýshy óziniń dosyn óshpendilikten atyp óltirgen. Aıǵaqtardan qutylý úshin ol marqumnyń kıimderin órtep, máıitti kóshedegi septıkke laqtyryp, taqtaıshalarmen ústin jaýyp qoıǵan.

19 jyl buryn kisi óltirgeni úshin er adam 10 jylǵa bas bostandyǵynan aıyryldy. Ol jazasyn ortasha qaýipsizdik mekemesinde óteıtin boldy.

İs boıynsha taǵy bir adam kýáger bolǵan, qazir onyń ústinen is qozǵaldy. Qazir ol Reseıde turady, kórshi eldiń azamaty. Sottalýshy óz kinásin moıyndamaı, óltirgen sol kýáger ekenin aıtty.

Derekkóz: Orda.kz