Almaty oblysynda aýa temperatýrasy 42 gradýsqa deıin kóteriledi, dep eskertti Almaty oblysy Tótenshe jaǵdaılar departamentiniń baspasóz qyzmeti.

"Qazgıdromet" RMK-nyń 2023 jylǵy 17 shildedegi daýyldy eskertýi negizinde 2023 jylǵy 17 shilde 09 saǵattan 19 shilde saǵat 21-ge deıin Almaty oblysynyń soltústiginde, ońtústiginde, ortalyǵynda 18-19 shilde kúnderi tústen keıin 42 gradýs qatty ystyq bolady. 18-19 shildede tótenshe órt qaýpi saqtalady.

Qonaev qalasynda 18-19 shildede tústen keıin 40-42 gradýsqa deıin aýa temperatýrasy kóteriledi. 18-20 shildede tótenshe órt qaýpi saqtalady.

"Almaty oblysynyń TJD azamattardy aýa raıynyń ózgerýin baqylaýǵa jáne saqtyq sharalaryn saqtaýǵa shaqyrady", - delingen habarlamada.