Qaırat Satybaldy jazasyn ótep jatqan kolonıada qaqtyǵys boldy. Qaqtyǵystan keıin 4 adam zardap shekti dep jazady KazTAG. 

«2023 jyldyń 14 shildesinde SHQO boıynsha QAJD №22 mekemesinde ákimshilik qyzmetkerleri turmystyq negizde týyndaǵan janjaldy jaǵdaıdy toqtatty. Fakti málimet kitabyna tirkelip, tergeý-jedel toby shaqyryldy. Qazir qyzmettik tergeý júrip jatyr. Qaqtyǵys kezinde tórt sottalýshy jeńil dene jaraqattaryn aldy, zardap shekkenderge qajetti medısınalyq kómek kórsetildi. Qazirgi ýaqytta janjalǵa kináliler tártiptik jaýapkershilikke tartylyp, tártiptik ızolátorǵa qamaldy», - dep habarlady QR İİM Qylmystyq-atqarý júıesi komıtetiniń baspasóz qyzmeti. 

Aıta keteıik, Qaırat Satybaldy osy kolonıada jazasyn ótep jatyr. Bir kún buryn ınternette oqıǵanyń saldarynan tórt adamnyń pyshaqtalǵany týraly aqparat taraǵan bolatyn.