Qaraǵandyda aýyr qylmysy úshin sottalǵan 35 jastaǵy er adam qashyp ketti. Keıin onyń ustalǵany belgili boldy, - dep habarlaıdy İİM baspasóz qyzmeti.

"Qaraǵandy oblystyq Polısıa departamentiniń qyzmetkerleri 18 shildege qaraǵan túni medısınalyq mekemeden qashyp ketken sottalǵan azamattyń mekenjaıyn anyqtaý jáne ustaý boıynsha keshendi is-sharalar júrgizilip jatyr. Ol 35 jastaǵy Batys-Qazaqstan oblysynyń týmasy aýyr qylmys jasaǵany úshin sottalǵan", - delingen habarlamada.

Azamattyń qashyp ketý deregi boıynsha Qaraǵandy polısıasy garnızonynyń jeke quramyna baǵyttama berilgeni aıtyldy.

"Belgileri: tolyq deneli, boıy 165 sm, shashy qara. Ústinde aq fýtbolka, qara aıaq kıim, qara shalbar jáne basynda qara kepka bolǵan", - delingen habarlamada.

Keıinirek, 18 shildede júrgizilgen jedel-izdestirý is-sharalary barysynda qashyp ketken er adamdy jedel qyzmetkerler ustaǵany habarlandy.

Derek boıynsha Qaraǵandy ​​oblysynyń Polısıa departamenti QR QK-nyń 426-baby boıynsha sotaldy tergeý amaldaryn júrgizilip jatyr.

"Qaraǵandy qalalyq Polısıa basqarmasy, Mıhaılov polısıa bóliminiń krımınaldyq polısıa qyzmetkerlerimen júrgizilgen keshendi jedel-izdestirý is-sharalary barysynda aýrýhanadan qashqan sottalǵan er adam qaladaǵy garajdardyń biriniń mańynan ustaldy. Ol polısıa bólimine jetkizildi. Tergeý áreketteri júrgizilip jatyr", - delingen habaralamada.

Sotaldy tergep-tekserý derekteri jarıa etilmeıdi dep habarlandy