Prezıdent Sadyr Japarov "Qyrǵyzstan memlekettik tili týraly" konstıtýsıalyq zańǵa qol qoıdy. Jańa zańǵa sáıkes orys tili resmı bolyp qala beredi.

Bıyl mamyrda maquldaǵan zań boıynsha, munan bylaı memlekettik jáne jergilikti ózin-ózi basqarý organdarynda, menshik túrine qaramastan barlyq kásiporyndar men mekemelerde qyrǵyz tilin qoldaný mindetti sanalady.

Qyrǵyz tilin bilýge mindettelgen qyzmetkerlerdiń tizimi saıtqa jarıalandy. 

Zańda taǵy ne qarastyrylǵan:

• birlesken jáne sheteldik uıymdardyń ataýlary qyrǵyz tilindegi translıterasıamen resimdeledi;
• teleradıokompanıalar, onyń ishinde jekemenshik kompanıalar memlekettik tildegi baǵdarlamalardyń keminde 60 paıyzyn júrgizýi tıis;
• orys tili resmı til retinde qoldanylady.

"Qyrǵyzstan el aýmaǵynda turatyn barlyq etnos ókilderi tilderin erkin paıdalaný qaǵıdatyn ustanady jáne osy tilderdiń damýyna jaǵdaı jasaýǵa kepildik beredi. Árbir azamat ana tilin saqtaý, úırený jáne damytý úshin jaǵdaı jasaýǵa quqyly", - delingen qujatta.