Almaty oblysy polısıa departamentiniń eks-basshysy Serik Kúdebaev memlekettik shekarasyn qasaqana zańsyz kesip ótý isi boıynsha sot otyrysy ótti. Sot otyrysynda Serik Kúdebaev óz kinásin tolyq moıyndap, ókinetinin aıtty. 

Kúdebaev sottaǵy sońǵy sózinde "Men kinámdi tolyq moıyndaımyn", dep aıtqan. Keıin sottalýshy sottan jazasyn uzartpaı, aıyppul salýdy surady. 

QR QK 392-babynyń 1-bóligi (QR shekarasyn zańsyz kesip ótý) 1000 AEK (3 450 000 teńge) mólsherinde aıyppul nemese bir jylǵa deıingi merzimge bas bostandyǵynan aıyrýdy kózdeıdi.

Qorǵaýshy tarap Serik Kúdebaevtyń sottalǵanyn jáne óz kinásin moıyndaǵanyn eskere otyryp oǵan 500 AEK (1 mln 725 myń teńge) mólsherinde aıyppul túrinde balama jaza taǵaıyndaýdy surady.