Qaladaǵy aptap ystyqqa baılanysty Tótenshe jaǵdaılar departamenti qala turǵyndaryna eskertý jasady. Almaty qalasynda erteń 42 gradýs ystyq bolady. Osyǵan baılanysty qalalyq tótenshe jaǵdaılar departamenti órt qaýipsizdigin saqtap, almatylyqtardy kóshege shyqpaýǵa úndedi. 

Sondaı-aq vedomstvo ókilderi tómendegi qaýipsizdik sharalaryn saqtaýdy usynady:

• Taýǵa demalýǵa barǵan jaǵdaıda tutanǵan temeki qaldyqtaryn tastamańyz;
• Bir jelige birneshe elektr qurylǵy qospańyz, óıtkeni elektr jelisiniń shamadan tys júktelýi qysqa tuıyqtalýǵa jáne órtke ákelýi múmkin.
• Balalardy avtokólik ishine az ýaqytqa bolsa da qaldyrmańyz. Qatty ystyqtan bala esinen tanyp qalýy múmkin.

Qala turǵyndary men qonaqtaryn kún sáýlesiniń áserinen saqtaný úshin serýenge shyqpaýǵa shaqyramyz.

Órt qaýipti kezeńde Almaty qalasy TJD aldyn alý sharalaryn kúsheıtti. Taýly ormandy jerlerde órttiń aldyn alý maqsatynda bekitilgen patrúldeý kestesine sáıkes demalys jáne mereke kúnderi orman sharýashylyǵy mekemeleri men jergilikti polısıa ókilderi birlesken reıd ótkizedi»,- dep atap ótti departamentten.