Tanymal ánshi Tóreǵalı Tóráliniń bostandyqqa shyqqany habarlandy. Bul týraly ánshiniń advokaty Elnýra Kishkenebaeva óziniń áleýmettik jelidegi paraqshasynda jazdy. 

"Tóreǵalı uldaryńyz bostandyqqa shyqty. Barsha qoldap, qorǵaǵan oqyrmandarǵa myń alǵys! Bári jaqsy, ýaıymdaǵandaryńyz úshin raqmet aıtamyn!", - dep jazdy advokat.  

Eske salsaq, 14 maýsymda qazaqstandyq ártis Tóreǵalı Tóreáli esirtki shegip kólik júrgizgeni úshin ákimshilik jaýapqa tartyldy. Jol erejesin buzǵan ánshiniń áreketinen basqa avtokólikterge zaqym kelgen. Sot qaýlysymen ol 20 táýlikke qamaýǵa alynyp, 7 jylǵa kólik júrgizý quqyǵynan aıyryldy. Sondaı-aq ánshi polısıanyń zańdy talabyn oryndamaǵany úshin úsh táýlikke qamaldy.