Aqtóbe oblysynda túlki 4 jasar balany qaýyp aldy. Túlkiniń qutyrma aýrýyna shaldyqqany belgili boldy, dep jazady "Moı gorod". 

Oqıǵa 4 shilde kúni bolǵan. Balanyń ákesi sol aýylda sharýa qojalyǵyn basqarady. Bala otbasymen birge ózenge shomylýǵa barǵan kezde qamys arasynan túlki shyǵyp, shabýyl jasaǵan. 

Shuǵyl túrde balany Qobda aýdanyndaǵy aýrýhanaǵa jetkiziledi. Túlki balanyń murny, mańdaıy jáne qabaq tusynan tistep alǵan. Sondaı-aq onyń jambasy men baltyrynda, samaı aımaǵynda tyrnaq izi qalǵan.

Al túlkini óltirip, saraptama jibergen. Saraptama nátıjesinde janýardan qutyrý aýrýynyń belgisi anyqtalǵan. 

Bala qutyrmaǵa qarsy ekpe alady, profılaktıkalyq em 28 kúnge sozylady. Balaǵa aýyl dárigeri qarap jatyr.

"Sharýa sharýashylyǵynda 21 kún karantın jarıalandy, aýyldan mal shyǵarýǵa jáne ákelýge bolmaıdy. Et, sút jáne basqa da janýarlardan alynatyn ónimderdi syrtqa shyǵarýǵa bolmaıdy", - dedi Aqtóbe oblysynyń veterınarıa basqarmasy basshysynyń orynbasary Isa Bazarov.