Saryaǵashta 5 jasar qyzdy óltirgen kúdiktige búǵan deıin aýyr qylmys jasaǵanyna qaramastan jeńil jaza taǵaıyndaǵan sýdıa qyzmetinen bosatylady.
Joǵarǵy sot ishki tekserý kezinde kúdiktige aldyńǵy qylmysyna qatysty zańsyz úkim shyqqanyn anyqtady.
13 shildede Saryǵashta bes jastaǵy qyz bala kisi qolynan qaza tapqan edi. Kúdikti sol kúni ustaldy.
Bas prokýratýra kúdiktiniń 2006 jyly kisi óltirgeni úshin 10 jylǵa sottalǵanyn, bıyl mamyrda aýyldasyna baltamen shabýyldaǵany úshin taǵy da isti bolǵanyn habarlady.
Sot onyń jábirlenýshimen tatýlasqanyn, 10 jyldyq jazasyn tolyq ótep kelgenin eskerip, tek 3 jylǵa ǵana túrmege kesken. Al keıinnen probasıalyq baqylaýǵa alyp, bosatyp jibergen.
Pikir qaldyrý