18 shildede Almaty oblysy Kegen aýdandyq soty Serik Kúdebaevtyń Qyrǵyzstanǵa qalaı ótkeni jóninde tyń derekterdi jarıalady. 

Almaty oblysy Kegen aýdandyq soty Serik Kúdebaevqa qatysty Qazaqstannyń memlekettik shekarasyn ótkizý pýnktterinen tys qasaqana zańsyz kesip ótý faktisi boıynsha qylmystyq isti qaraǵan bolatyn. 

«Aıyptalýshy Serik Kúdebaev bıyl 15 naýryzda shamamen saǵat 4:30-da qylmystyq josparǵa sáıkes, Kegen aýdanyndaǵy tikendi symnan jasalǵan shekara qorshaýyn kóterip, ótkizý pýnktinen tys aýmaq arqyly Qazaqstan-Qyrǵyzstan shekarasyn zańsyz kesip ótken. Osylaısha, K. Manas áýejaıy arqyly Túrkıaǵa ushyp, jazadan jaltarmaq boldy. Ustalǵannan keıin ol Qazaqstanǵa ekstradısıalandy», - delingen Almaty oblysy Kegen aýdandyq sotynyń baspasóz qyzmetiniń habarlamasynda.