Shyǵys Qazaqstan oblysynyń Katonqaraǵaı aýdanynda taýdan órt shyqty, dep habarlady tótenshe jaǵdaılar mınıstrligi.
18 shildede Katonqaraǵaı aýdanyndaǵy Berel orman sharýashylyǵynda órt shyqty. Órt 1700 metr bıiktikte shamamen 2,5 ga aýmaqty sharpyp jatyr.
"Jedel túrde Kazavıaorman kúzetiniń MI-2 tikushaǵy shyǵyp, ormanshylar men órt sóndirýshilerdi jetkizdi. Eldi mekenderge qaýip tónip turǵan joq. Órtti sóndirýge 67 ormanshy men órt sóndirýshi, 6 birlik tehnıka, "Qazavıaormankúzeti" MM MI-2 jáne SHQO avıasıalyq bólimshesiniń MI-8 tikushaqtary jumyldyryldy", - deıdi vedomstvo.
Eske sala keteıik, kúni keshe ǵana mınıstrlik Shyǵys Qazaqstannyń taýly aımaǵyndaǵy órt tolyq sóndirildi dep aqparat taratqan bolatyn.
Pikir qaldyrý