Túrkistanda kámeletke tolmaǵan 70-ke jýyq balaǵa zańsyz dinı sabaq ótkizgen azamat ustaldy.

Túrkistan oblysy PD ekstremızmge qarsy is-qımyl basqarmasy men Túrkistan oblysy boıynsha Ulttyq qaýipsizdik komıtetiniń qyzmetkerleri birlesip, jedel is-sharalar ótkizý barysynda, kámeletke tolmaǵandarǵa zańsyz dinı sabaq bergen er adamdy anyqtady. Iaǵnı, Túrkistan qalasynyń turǵyny úıinde 5 jastan 17 jasqa deıingi 68 balaǵa sabaq berip, dinı ýaǵyzdardy zańsyz ótkizgen, al oqý aqysy 100 myń teńgeni quraǵan. Kúdiktiniń mekenjaıy boıynsha tekserý júrgizý kezinde 68 balanyń dinı baǵyt boıynsha sabaq alǵany rastaldy.

Sondaı-aq oqýshylar arasynda Túrkistan ǵana emes, Abaı, Shyǵys Qazaqstan, Jambyl oblystary men Ózbekstan Respýblıkasy balalarynyń da bilim alǵany anyqtaldy. Oǵan qosa polıseıler jergilikti turǵynnyń úıinen saraptamaǵa baǵyttalǵan 100-den asa dinı sıpattaǵy kitaptardy tárkiledi. 

Er adamǵa qatysty QR ÁQBtK-niń 490-baby 3-bóligi («Qazaqstan Respýblıkasynyń dinı qyzmet jáne dinı birlestikter týraly zańnamasyn buzý») boıynsha ákimshilik hattama toltyryldy. Túrkistan oblysynyń polıseıleri azamattarǵa zańsyz dinı qyzmetpen aınalysqany jáne dinı ádebıetterdi taratqany úshin jaýapkershilik qarastyrylǵanyn eskertedi, – delingen polısıa habarlamasynda.

Derekkóz: Halyq Uni