TJM Órtke qarsy qyzmet komıtetiniń tóraǵasy, sondaı-aq Shymkent qalasy men Jetisý oblysy boıynsha TJD basshylary jemqorlyqpen ustaldy, dep habarlady Antıkor.

Olar órtten qaýipsizdik salasyndaǵy qamqorlyǵy úshin kásipkerlerden júıeli negizde para alyp, tekseriletin uıymdardy olardyń qyzmetterin satyp alýǵa jáne ýaqtyly aqy tóleýge májbúrlegen degen kúdikke ilingen.

Para somasy 100 myńnan 4 mln teńgege deıingi aralyqty quraıdy.

Sonymen qatar, TJM Órtke qarsy qaýipsizdik komıtetiniń tóraǵasy Nurbolat Derbisov zańsyz aqshalaı syıaqy úshin Ulytaý oblysy boıynsha TJD basshylarynyń birine qamqorshylyq jasaǵan.

"Kúdiktiler ustalyp, ÝUI-na qamaldy. Sotqa deıingi tergeý jalǵasýda. Atalǵan laýazymdy adamdardyń basqa da jemqorlyq quqyq buzýshylyqtarǵa qatystyǵy tekserilýde" – delingen habarlamada.