SHQO ákimdigi jóndelip bitpegen Rıdder JES-i jaıly 14,8 mln teńgege fılm túsirgenin rastady. Bul týraly Azattyq radıosy habarlady.

Ákimdik tenderine "Alústroı" degen kompanıa birden tikeleı ıe bolǵan. Kelisimshart memlekettik satyp alý portalynda 20-22 maýsym aralyǵynda jasaldy. Bul – Shyǵys Qazaqstanǵa jańa ákim Ermek Kósherbaev taǵaıyndalyp qoıǵannan keıingi ýaqyt. Biraq fılmde oblys ákimi dep eks-ákim Danıal Ahmetovtiń aty atalady. Saıtta fılm shyqqan data kórsetilmegen.

"Mundaı aqparatty barynsha kóp usyný turǵyndardy problemalardy sheshý úderisterimen tanystyrýǵa, turǵyndardyń múddesin qorǵaýǵa jáne qıyn jaǵdaıda jylýmen qamtamasyz etý úshin qabyldanǵan is-sharalardan habardar etýge kómektesti. Jobanyń maqsaty – respýblıkalyq jáne jergilikti atqarýshy organdar qandaı is-áreket istep jatqany týraly obektıvti, naqty aqparat berý" - dedi SHQO ákimdigi.