20 shildede Túrkistan oblysy Saryaǵash aýdany Jibek joly aýylynda kórshisiniń qolynan qaza tapqan bes jasar sábıdiń jetisine jınalǵan jurt narazylyqqa shyǵyp, tergeýdi ádil ótkizýdi talap etti.
Bir top áıel "Pedofılderge ólim!", "Ádil sot bolsyn!" degen jazýy bar plakat ustap, Jibek joly aýylynyń ishimen ótip, qazaq-ózbek shekara beketine aparatyn kúre joldy japqan. Oqıǵa ornyna polısıa men arnaıy jasaq kelgen. Bul týraly Azattyq radıosy habarlady.
Jınalǵandardyń aıtýynsha, qyzdyń ólimine baılanysty tergeýge taǵy bir kúdikti shaqyrylǵan, keıin ony bosatqan. Turǵyndar "sot-medısınalyq saraptama qorytyndysy shyqpaı, kúdiktini shyǵarýǵa bolmaıdy" dep talap qoıǵan.
Pikir qaldyrý