Almatyda 29 jastaǵy áıel eki balasynyń kózinshe ózine qol jumsady. Kelinshek óz úıinde basqa taǵatyn oramalyna asylyp qalǵan.

Kýágerlerdiń aıtýynsha, anasynyń sýısıd jasaǵanyn 1 jáne 5 jasar kishkenteı qyzdary kórip, eshteńe túsinbeı, jylaı bergen. Marqum kelinshek Qyrǵyzstan azamaty eken. Kórshileri kúıeýiniń ozbyrlyǵyna shydaı almaı ómirimen qosh aıtysqan dep topshylaıdy. 

Qaıǵyly oqıǵa keshki saǵat ondar shamasynda bolǵan. Kýágerlerdiń aıtýynsha, aldymen 5 jasar qyz terezeden janushyra aıǵaılap kómek surapty. Balanyń jylaǵan daýysyn alǵash bolyp aýlada demalyp otyrǵan Nurgúl Álikbaeva estigen. Kelinshek alyp-ushyp páterge qaraı júgiripti. Alaıda úıdiń ishine kirgende bári tym kesh bolǵan. Ol óz oramalyna asylyp turǵan kórshisiniń jan tapsyrǵanyn kórip, birden polısıaǵa habarlaǵan.

"Bir kishkentaı balasy jerde jatyr eken jylap. Úlken qyz júgirip aldymnan shyqty da "Mamany túsirińizshi, mamany túsirińizshi" dedi. Men túsirmedim. Polısıa men jedel járdemge habarlastym. Kúndiz taǵyp júrgen oramaly bolǵan. Sonymen bosaǵasynda asylyp tur eken. Aıaq-basy bári kógerip ketken. Tili shyǵyp ketken. Kesh ekenin túsindim. Ketkeni birden bilinip turdy", - deıdi oqıǵa kýágeri Nurgúl Álikbaeva.

Kórshileriniń aıtýynsha, dindar kúıeýi jubaıyna kún kórsetpeı, jıi uryp-soǵady. Jantúrshigerlik oqıǵa bolǵan Mamyr-4 yqshamaýdanynyń turǵyndary marqum zorlyq-zombylyqqa shydaı almaı, ózine qol jumsaýy múmkin dep topshylaıdy.

"Marqummen jaqyn aralasqan turǵyndar boldy. Keshe olar osy otbasyndaǵy barlyq jaǵdaıdy baıandap berdi. Olardyń aıtýynsha, úsh balanyń anasy kúıeýinen jıi taıaq jeıtin. Áıel tiginshi bolyp jumys istegen. Tapqan tabysyn da kúıeýi qolyna ustatpaıdy eken. Marqum hıdjab kıip júretin, kúıeýiniń qoǵadaı saqaly bar ekenin kórgenbiz", - deıdi kórshisi Jibek Ámenova.

Eske salaıyq, buǵan deıin Almatyda áıel ózine qol jumsaǵanyn jazǵan edik.