Búgin Indýstrıa jáne ınfraqurylymdyq damý mınıstri Marat Qarabaevtyń "Úlken Almaty aınalma avtomobıl jolyn aqyly negizde paıdalaný týraly" buıryǵy kúshine endi. 

Buıryqqa sáıkes "Úlken Almaty aınalma avtomobıl jolyn" ýpaıdalaný aqysy bekitildi. 

Aqyly joldyń bastapqy pýnkti – Almaty-Uzynaǵash avtomobıl jolynyń 22+640-shaqyrymy, sońǵy pýnkti – Almaty-Talǵar avtomobıl jolynyń 22+000 shaqyrymy.

Úlken Almaty aınalma jolyndaǵy 1 saǵat úshin tólem mólsheri:

• jeńil avtokólikter – 241,5 teńge;
• 16-ǵa deıingi jolaýshyǵa arnalǵan avtobýstar men júk kóterimdiligi 2,5 tonnaǵa deıingi júk kólikteri – 276 teńge;
• 32-ge deıingi jolaýshyǵa arnalǵan avtobýstar jáne júk kóterimdiligi 5,5 tonnaǵa deıingi júk kólikteri – 483 teńge;
• 32 jáne odan da kóp jolaýshyǵa arnalǵan avtobýstar jáne júk kóterimdiligi 10 tonnaǵa deıingi júk kólikteri – 552 teńge;
• júk kóterimdiligi 10-nan 15 tonnaǵa deıingi júk kólikteri – 690 teńge;
• júk kóterimdiligi 15 tonna jáne odan da kóp, onyń ishinde tirkemeleri bar júk kólikteri, ershikti tartqyshtar – 759 teńge.

1 aılyq jáne 1 jyldyq abonement quny:

• jeńil avtomobılder: bir aıǵa – 0,5 AEK (1725 teńge), bir jylǵa – 5 AEK (17 250 teńge);
• 16 oryndyq avtobýstar men júk kótergishtigi 2,5 tonnaǵa deıingi júk kólikteri: bir aıǵa – 0,6 AEK (2070 teńge), bir jylǵa – 6 AEK (20 700 teńge);
• 32 oryndyq avtobýstar men júk kótergishtigi 5,5 tonnaǵa deıingi júk kólikteri: bir aıǵa – 1 AEK (3450 teńge), bir jylǵa – 10 AEK (34 500 teńge);
• 32 orynnan asatyn avtobýstar jáne júk kótergishtigi 10 tonnaǵa deıingi júk avtomobılderi avtopoezdar: bir aıǵa – 1,5 AEK (5175 teńge), bir jylǵa – 15 AEK (51 750 teńge);
• júk kótergishtigi 10 tonnadan joǵary 15 tonnaǵa deıingi júk avtomobılderi: bir aıǵa – 2 AEK (6900 teńge), bir jylǵa – 20 AEK (69 000 teńge);
• júk kótergishtigi 15 tonnadan asatyn júk avtomobılderi, onyń ishinde tirkemeleri bar ershikti tartqyshtar: bir aıǵa – 2,5 AEK (8625 teńge), bir jylǵa – 25 AEK (86 250 teńge).