Skandınavıa elinde Qurandy birneshe ret qorlaý faktisine baılanysty narazylyq bildirý úshin Katardyń syrtqy ister mınıstrligi Shvesıa elshisin shaqyrdy.
"Katar syrtqy ister mınıstrligi Islamǵa jáne Quranǵa qarsy jalǵasyp jatqan teris áreketterge baılanysty Shvesıa elshisin shaqyryp, oǵan resmı narazylyq memorandým tapsyrylǵanyn habarlaıdy. Bul memorandýmda Shvesıa bıligin osy teris áreketterdi toqtatýǵa shaqyrǵan úndeý de bar", - dep jazylǵan mınıstrlik habarlamasynda.
Maýsym aıynyń sońynda Stokgolmde Qurban aıtty toılaý kezinde Qurandy qorlaǵan jáne órtegen aksıa ótti. Bul álemniń kóptegen elinde shý týdyrdy. Birqatar ıslam memleketi Shvesıa bıliginiń áreketin qatań synǵa aldy. Irakta eldiń elshiliginde jappaı narazylyq sherýleri ótti, narazy halyq ımıgrantty jazalaý úshin sotqa berýdi talap etti.
Pikir qaldyrý