20 shildede Qańtar oqıǵasy kezinde oqqa ushqan 4 jasar Aıkórkemniń týystary sottyń ashyqtyǵyn talap etip, prezıdent ákimshiligine bardy.

Aıdos Meldehan qyzynyń qazasy boıynsha bastalǵan sotqa ózin kirgizbeı qoıǵanyna qarsy bolǵan. Bul týraly Azattyq radıosy habarlady.

Prezıdent ákimshiliginiń ókili Erǵalı Nazarov Aıdos Meldehannyń saýaldaryna jaýap bermeı, aryz qaldyrýyn suraǵan. Aıkórkemniń ákesi kelesi sot prosesine deıin jaýap almaı ketpeıtinin aıtty. 

Eske sala keteıik, 13 shildede Almaty garnızony áskerı sotynda Aıkórkem Meldehannyń qazasy boıynsha sot prosesi bastalǵan edi. Sýdıa Aıkórkemniń ákesi men ápkesin "memlekettik qupıa" dep, sotqa qatystyrmady. İs jabyq qaralatyn boldy.  

Qazirgi ýaqytta Aıkórkemniń qazasyna baılanysty bir áskerı qyzmetker aıyptalyp jatyr. Onyń ústinen "ókiletin asyra paıdalaný" baby boıynsha is qozǵalǵan. Kelesi sot otyrysy 26 shildede ótedi.