Almatyda №98 avtobýstyń júrgizýshisi adam ólimine ákelip soqqan jol apatyna kináli dep tanyldy, dep habarlaıdy qalalyq sottyń baspasóz qyzmeti.
Apat kezinde №201 jáne №98 avtobýstar soqtyǵysqan bolatyn. Sottalýshy – №98 avtobýstyń júrgizýshisi.
Tergeý barysynda anyqtalǵandaı, sottalýshy jol qozǵalysy erejelerin elemeı, baǵdarshamnyń qyzyl túsine toqtamaı, №201 avtobýspen soqtyǵysqan.
"Sot sottalýshy azamatty Qazaqstan Respýblıkasy Qylmystyq kodeksiniń 345-babynyń 3-bóligi boıynsha ("Jábirlenýshiniń ólimine ákep soqqan jol qozǵalysy erejelerin buzý") kináli dep tanyp, oǵan 2 jyl 6 aı merzimge bas bostandyǵynan aıyrý túrindegi eń joǵary jaza jáne 5 jyl merzimge kólik quralyn tizgindeý quqyǵynan aıyrý túrinde qosymsha jaza kesti", – delingen sot habarlamasynda.
Pikir qaldyrý