Shymkent qalasy Polısıa departamentiniń jergilikti polısıa qyzmetiniń basshylary júıeli túrde jemqorlyqpen aınalysqany úshin sottaldy.

Shymkent qalasynyń qylmystyq ister jónindegi aýdanaralyq soty 4-rota komandıri Q. Álimhanov pen 8-rota komandıri N. Myrzalıevke qatysty úkim shyǵardy.

Álimhanov pen Myrzalıev 7 jylǵa bas bostandyǵynan aıyrylyp, memlekettik qyzmet atqarý quqyǵynan ómir boıyna aıyryldy.

Úkim zańdy kúshine engen joq.

Sottalǵandar Shymkent qalasy Sybaılas jemqorlyqqa qarsy qyzmet departamentimen jáne Polısıa departamentiniń Ózdik qaýipsizdik basqarmasymen áshkerelengen bolatyn. Olar qyzmettegi jalpy qamqorlyǵy úshin turaqty negizde qaramaǵyndaǵy polıseılerden 5-ten 10 myń teńgege deıin birneshe ret para aldy dep aıyptaldy.

Budan basqa, Álimhanov ákimshilik jaýapkershilikke tartpaǵany úshin óziniń qaramaǵyndaǵylar arqyly Shymkent qalasynyń turǵynynan 130 myń teńge somasynda zańsyz syıaqy alǵan.

Sybaılas jemqorlyqqa qarsy qyzmet pen İİM-niń jemqorlyq faktilerin anyqtaý jáne jolyn kesý jónindegi ózara yntymaqtastyq týraly memorandým aıasynda birlesken jumysy jalǵasýda.

Derekkóz: HalyqUni