Qytaımen shekaradaǵy burynǵy aýdandardyń mártebesi qaıtarylmaq. Bul týraly Úkimet otyrysynda Ulttyq ekonomıka mınıstri Álibek Qýantyrov málimdedi.

Onyń aıtýynsha, shekara mańyndaǵy aýdandardyń ınfraqurylymyn damytý qoldanystaǵy memlekettik baǵdarlamalar aıasynda iske asyp jatyr.

Máselen, 2019-2022 jyldary «Aýyl – el besigi» baǵdarlamasy boıynsha shekaralyq aýylda 1,5 myń joba iske asyrylǵan. Bıyl 134 aýylda 300-ge jýyq joba nátıje berdi. Sondaı-aq vedomstvo basshysy shekaralyq aýyldarǵa sapaly ınternet ornatý máselesiniń de qaralyp jatqanyn aıtty. 

"Týrızmdi, transshekaralyq týrızmdi damytý úshin qazirgi tańda tıisti jol kartasy ázirlenýde. Shekaralyq aýdandar degende ásirese Qytaımen shektesip jatqan keıbir aýmaqtardaǵy burynǵy aýdandardyń mártebesin qalpyna keltirý máselesi qarastyrylyp jatyr", - Ulttyq ekonomıka mınıstri Álibek Qýantyrov.