Sincere System Group kompanıasynyń ókilderine qarjylyq pıramıda quryp, ony basqardy degen kúdikpen ustalyp, sotqa deıingi tergeý bastaldy. 

Qarjylyq monıtorıń agenttiginiń málimetinshe, qazirgi tańda kompanıa qyzmetin toqtatylǵan. 

"S-Group kompanıasynyń ókilderi salymshylarǵa aıyna 6%-dan 8%-ǵa deıin nemese jylyna 70%-dan astam joǵary kiriske ýáde bergen. Depozıttiń eń tómengi somasy $100 quraıdy. Sondaı-aq, taǵy da salymshy tartqan jaǵdaıda somanyń 5 paıyzy kóleminde kepildendirilgen kiris qarastyrylǵan", – delingen habarlamada.

Bul rette klıentterge aqshany qabyldaý faktisin rastaıtyn qujattar men kelisimder usynylmaǵan, salym somasy jeke kabınette sıfrlyq túrde kórsetilip, salynǵan qarajatty alý múmkindigi bolmaǵan.

Qazirgi ýaqytta sotqa deıingi tergeý amaldary júrgizilýde. Kúdiktige bultartpaý sharasy sanksıalandy.