Qańtar oqıǵasynda áýejaıdy basyp aldy dep aıyptalǵan jýrnalıs Áıgerim Tileýjan advokaty Aınara Aıdarhanovamen kezdeskende Almatydaǵy №72 tergeý ızolátorynda áıelder ashtyq jarıalaǵanyn aıtqan.

Bul týraly Azattyq radıosy habarlady.

"Áıelder jetekshilikke aryz jazǵan, sebebi olardy basqalardan bólek ustaýy kerek. Biraq 72 áıel ortaq kamerada otyr, olardyń quqyǵy buzylyp jatyr. Áıgerimmen bir kamerada otyrǵan áıelderdiń ishinde bireýiniń astmasy asqynǵan, ekinshisinde epılepsıa bar. Áıgerim aıǵaılap kómek shaqyrmaǵanda olardyń jaǵdaıy qıyn bolar edi. Belgili bir aýrýy bar adamdardy arnaıy kamerada dárigerdiń baqylaýynda ustaý kerek" dep jazdy advokat Aıdarhanova.

Advokattyń sózinshe, qazir ızolátorda kemi eki áıeldiń ashtyq jarıalaǵany belgili, áıelderdiń kóbi qamaý ornyndaǵy jaǵdaıǵa narazy ári ádil tergeý men ádil sot sheshimin talap etedi.

Alaıda qylmystyq-atqarý komıteti, buǵan qarsy kún saıyn tutqyndardyń densaýlyǵy tekseriletinin habarlady.